नेपाल तामाङ समाज, जापानसे जापानला गोरब्रे (८) सहररि ल्होलो मितिरि सोनाम ल्होछारला दुइसाङरि सांस्कृतिक गेताङ लाबाकेन मुला ।

समाजला केन्द्रीय ग्रेनगौराइ जनक थोकरला आन्सार गेताङला तयारी लिच्छाला बो (चरण)रि दोजिन्बा मुला । थेला आन्सार ३१ जनवरीरि क्युसी सहररि, १ फेब्रुअरीरि सेन्दाइ सहररि, २ फेब्रुअरीरि टोक्यो सहर, ३ फेब्रुअरीरि ओसाका सहररि, ६ फेब्रुअरीरि ओकिनावा सहररि, ८ फेब्रुअरीरि किताकान्तो थेन १५ फेब्रुअरीरि नागायो सहररि ग्रेन सांस्कृतिक गेताङ तासेला मुला ।

गेताङरि नेपाल ग्यामा दोबा कलाकार थेन समाजला ग्रेनगौराइ÷काइपा जनक थोकरला छ्याम स्थानीय कलाकारजुगुसे प्रस्तुती उन्सेला मुला ।

‘जाम्बुलिङ ठाम्चिबा क्योङ तामाङजुगु गिक्खे ताइ, माउलिक ग्योइ, लिपी, धर्म, रिम थेन रिमठिम ल्हेना छार्ना लाइ’ बिबा उद्देश्य थोसि तामाङ समाज, जापानसे ह्रेङ्बा दुइहेन्से तामाङजुगुफिरि गेलाचिबा मुला ।