राष्ट्रपति रामचन्द्र पौडेलसे शितल निवासरि सोनाम ल्होछारला दुइसाङरि गेताङ लासि तामाङजुगुदा ज्याबाम्हान्बा पिन्बा मुला ।
मंगलबारि स्ह्योरि लामा, ताम्बा थेन बोम्बोदा छ्योकु लापुङ्सि राष्ट्रपति पौडेलसे सोनाम ल्होछार (मन्जुश्री सम्वत २८६१) ला ज्याबाम्हान्बा पिन्बा हिन्ना ।
राष्ट्रपति पौडेलसे ल्हानाजातीय, ल्हानाग्योइ, ल्हानारिमठिम ल्होलो मुबा नेपाली समाजरि सोनाम ल्होछार ह्राङ्बा प्रिबाजुगुसे मुतेबा नेपाली गुङरि सद्भाव, सहिष्णुता थेन बन्धुत्वला भावना ल्हेना लाबान राष्ट्रिय एकतारि कोङ्ना लाबारि योगदान पिन्सेला विश्वास थान्जि ।
ल्होलो रिमठिम मुबा नेपालरि तामाङ जातला ग्रेन समुदाय मुबा ओम तामाङ जातला सामाजिक, सांस्कृतिक थेन धार्मिक केवा ल्होछार परम्पराला विशिष्ट थेन आउदिन महत्वपुर्ण ग्ला मुला बिसि पौडेल पाङ्जि ।
तपाईको प्रतिक्रिया दिनुहोस