तामाङ समुदायला लोकबाजाफिरि ख्योल्बा पाठ पाठ्यपुस्तकरि सच्याप लासेला ताजि
माध्यमिक लोप्खाङ कक्षा ९ ला अनविार्य नेपाली नुरला पाठ्यक्रमरि ह्रुप्बा ‘हाम्रो लोकबाजा’ पाठरि तमाङ समुदायला लोकबाजाफिरि मुबा ख्योल्बा सच्याप लासि दोसि तेपाः पनर्णय लाबा मुला ।
माघ १० गते बिहीबार नेपाल तामाङ घेदुङला प्रतिनिधि थेन पाठ्यक्रम विकास केन्द्रला महानिर्देशक इमनारायण श्रेष्ठतेन ताबा चिसाङसे थे निर्णय लाबा हिन्ना । चिसाङरि समुदायला सांस्कृतिक बाजादा स्यान्दो समुदायला मिनरि उल्लेख लाबा नुररि सुधार लाबा सहमति ताबा हिन्ना ।
चिसाङसे मगर समुदायला डम्फु बाजा थेन राइ किराँत समुदायला टुङ्ना बाजादा तामाङ समुदायला अमुल्य सांस्कृतिक निधिला लिरि ह्रुप्बा निर्णय लाबा हिन्ना ।
चुह्राङ्नोन लासि तामाङ समुदायला बाजा बिबा ग्यापुङ, सरुङ्गे थेन सिनडुङ बाजादा ‘हाम्रो लोकबाजा’ पाठग्याम ब्याङ्सेला मुला ।
योनान पाठ्यक्रम सुदृढीकरण थेन परिमार्जन लासि पाठ्यपुस्तक थेन वेबसाइटरि सच्याप लाबा संस्करण याङ्ना लाबा थेन छार शैक्षिक सत्र २०८२ रि परिमार्जन छ्याम ‘हाम्रो लोकबाजा’ पाठ दोसि तेसेला बिसि पाङ्बा मुला ।
बागमती प्रदेश सांसद ओम ङ्हाच्छाला उपसभामुख राधिका तामाङसे नुवाकोट घेदुङला पहलरि नुवाकोटला सीडिओ ग्याम्से लाबा ध्यानाकर्षण थेन चु गरि ह्रो लाबा मुतेबादा थुजेछे पिन्बा मुला । थेसे तामाङ ग्योइरि बयान पिन्बारि म्याङ्बा याङ्ताम कार्यान्वयन लाबारि घेदुङला ङ्हाच्छालान प्रयास डान्ना लाबान चुह्राङ्बा महत्वपुर्ण निर्णयरि समन्वय लाबारि म्याङ्बासे ताङ्बा व्यक्त लाजि ।
चिसाङरि पाठ्यक्रम विकास केन्द्रला महानिर्देशक इमनारायण श्रेष्ठ, योजना शाखा निर्देशक बासुदेव वस्ती, ग्योइ, शिक्षा तथा सामाजिक शाखा निर्देशक दिननाथ गौतम, नेपाली ग्योइ अधिकृत कुमार घिमिरे थेन नवीन खड्का बोकिन्बा मुबा ।
तामाङ घेदुङ ग्याम्से बागमती प्रदेशसभा ह्रोम्हि राधिका तामाङ, ङ्हाच्छाला सभासद शान्ति पाख्रिन, ह्रोचोहो मानबहादुर तामाङ, ह्रोग्रेनगौराइ सरोजमोहन मोक्तान, गौराइ जयमान वाईबा, ग्योइ लिपी प्रमुख हिरालाल तामाङ, केन्द्रीय ह्रोम्हि उषा वाईबा, नुवाकोट घेदुङ चोहो वीरबहादुर तामाङला छ्याम स्यान्दो प्रतिनिधिसे बोकिन्बा मुबा ।
तपाईको प्रतिक्रिया दिनुहोस