याम्बु । च्युइसे गिक म्हे (११ जना) व्हाइखाब्रिखेनजुगुसे ब्रिबा ‘प्रेमको आदिम गीत’ संयुक्त व्हाइखापोप बेने २ गते शुक्रबार तासेला ग्रा ब्रिखेन ईश्वर थोकरसे पिन्बा मुला ।

अंग्रेजीरि चु व्हाइखापोपला मिन ‘The Primordial Song of Love’ थान्बा मुला । चु पोप नेपाली थेन अंग्रेजी ग्योइरि थोन्सेला मुला ।

पोपरि टङ्क उप्रेती, सुमन थापा ‘सङ्गम’, सञ्जय सुमन, रमी प्रिया, ईश्वर थोकर, दिलकुमारी डङ्गोल, धीरकुमार श्रेष्ठ, चन्द्रबहादुर लामा, विश्व सिग्देल, विधान आचार्य थेन भीष्म उप्रेतीला व्हाइखा मुला ।

चु पोपला व्हाइखाजुगु नेपाली ग्याम अंग्रेजीरि व्हाइखाब्रिखेन चन्द्रबहादुर लामासे दोःबा मुला ।

वर्तमान कविता समूहसे ङ्योइसाङ लाबा चु विमोचन गेताङ  बेने २ ओसेम १४ फेब्रुअरी २०२५, कुनु ४ः३० हेन्से ६ः३० दोना ग्रीनलिफ फुड, पुतलीसडक, याम्बुरि तासेला मुला ।

व्हाइखापोपदा अकाल–कुसुम, बनेपा, नेपालसे तेबा हिन्ना ।