ङाइ डोतोबा मुला
ङाइ ब्रितोबा मुला
ग्रेन थेसि–
प्राङबोदा सायार लातोबा मुला
ङाइ डोतोबा मुला
ङाइ ब्रितोबा मुला ।
जाजादा चेकाइ
थेबादा डेन
सात्तान सात्तान ङाइ लासेला मुला
तिङमा ह्युल्सा नेपालला लागिरि
ङा सोसेला मुला
ङा सिसेला मुला ।
ङाइ डोतोबा मुला
ङाइ ब्रितोबा मुला
ग्रेन थेसि–
मुला सारदा ज्यातोबा मुला
ङाइ डोतोबा मुला
ङाइ ब्रितोबा मुला ।
ङाला जाजा जाजा मिसे
म्हाङ ग्रेन ग्रेन
म्राङबा मुला
जाम्बुलिङक्योङला ज्याबादा लागिरि
ङाला तिङसे
म्होइजेन लासि टिबा मुला
ङाइ डोतोबा मुला
ङाइ ब्रितोबा मुला ।
जाम्बुलिङरि नेपालला झन्डा
जाम्बुलिङरि ह्युल्साला झन्डा
फ्याल्तोबा मुला
ङाइ डोतोबा मुला
ङाइ ब्रितोबा मुला ।
ग्रेन थेसि
प्राङबोदा सायार लातोबा मुला
ग्रेन थेसि
मुला सारदा ज्यातोबा मुला
जाम्बुलिङरि नेपालला झन्डा फ्याल्तोबा मुला
ङाइ डोतोबा मुला
ङाइ ब्रितोबा मुला ।
दोःबा : ईश्वर थोकर
तपाईको प्रतिक्रिया दिनुहोस