ह्रोकादे हिन्ना ह्याङ डिक्सि चिदोला
ब्रिबा डोबा लाबार लोप्खाङ निदोला ।
क, ख, ग, ङ, गि, ङि सोम व्हाइरिन डोबासे 
फुर्साङ, डोल्मो, पासाङ हाजि ग्योइ गोबासे ।।

बामरि फोरे, छ्योइ, इग्छ्या थेन ब्रिगु हाजि पोरे लासि 
तिनिला पुबु न्हाङ्गार म्हेन्दो सार्ला बितासि ।
गोन्बो, छ्योर्तेन, दिमरि लुङ्दार, दाज्र्यु थेरेरे
ह्याङ्लाई ग्योइ ब्रिबाडोबा दुइ हाजि तेरेरे ।।

लोप्खाङ ग्याम्से तोर च्यामा पिङ्गाइ गाङ मुला
क्लङ्सि, ताङ्सि दिम गेकादे जिन्सि बाबा मुला ।
खेन्बा खाइबा नाम्सा, ह्युल्ला ग्रेन म्हि दोबारि 
गाइना हालाउ आले आङा लोप्खाङ निबारि ।।  
   
कोन्ज्योसोम गाउँपालिका ५, भारदेउ ललितपुर ।