जातुकुजुगुसे दोक्छेबिमा ङ्हाच्छा ह्राङ्लान दिमग्यामसे तिलाइ लोप्पा डोबा गेजुगु लासि खामुला । बिनोनतोमा ह्राङ्ला रिमठिम, ग्योइह्राङ्बा स्हेजुगु । चुबिमा ल्हाना ह्राङ्ला लोप्पा डोबाचा लोपखाङ ग्यामसे लोप्मुला । ङाइ तिनि ङाइ डोबा लोपखाङ्ला थोरि ङाला तिलाइ सेमताम थान्बा बाङ लाला ।

ङाला लोपखाङ्ला मिन बासु माध्यमिक विद्यालय हिन्ना । ङाला चु लोपखाङ खोपोङ जोङ्ला कालिघाटरि मुला । ङा चुनोन लोपखाङ्ला कक्षा च्युइरि डोबा म्हेन्दो गिक लोप्डा हिन्ना । ङाला लोपखाङ ग्रेन खेप्पा मुला । थेरि क्लाङ्बारि लोप्बोनजुगुदा क्लाङ्बा ग्ला नोन ग्रेन मुला ।

ङा डोबा लोप्खाङरि ल्हानाह्राङ्बा लोप्बोनजुगु तिलाइ लोप्पा सेम थोसि खामुला । ङा चु लोप्खाङरि नर्सरि हेन्छेन डोसि खाबा हिन्ना । ङाला लोप्खाङला प्रिन्सिपलला मिन अम्बिका न्याइच्याइ हिन्ना । सह–प्रिन्सिपलला मिनचा लक्ष्मीभक्त लासिवा हिन्ना ।

ङाला लोप्खाङला लोप्खेनजुगु ज्याबा मुला । ङाला लोप्खाङला लोप्बोनजुगु नोन अनुशासित मुला ।

ङाला लोप्खाङरि सिल्बा थुङ्बा क्युइ, ज्याबा वातावरण, ज्याबा लोप्पा डोबाला डिछ्या मुला । ङाला लोप्खाङरि ल्होलोल्होलो अतिरिक्त क्रियाकलाप नोन तामुला । बिगेले; स्याबा, ह्वाइकोबा, क्लाङ्छ्योङ, ह्वाइखा डोबा छ्यामरि ल्होलो ल्होलो लोप्खाङतेन डिक्सि नोन ल्होलो ल्होलो प्रतिस्पर्धाजुगु हाजिरी जवाफ, म्युजिकल रेस, गणितीय छ्योङ्बा, इस्पोन रेसह्राङ्बा क्लाङ्जुगुरि नोन बो किन्बा मुला । ङाइ नोन बो किन्बा मुला ।

ङिसरेला तिरेम ङा डोबा लोप्खाङरि अतिरिक्त क्रियाकलाप तामुला । ङाला लोप्खाङ सात्तान स्ह्यान लोप्खाङतेन प्रतिस्पर्धा तामा खाइमा गिक्छा ओम खाइमाचा ङ्हिक्छा तामुला । ङादा ङाला लोप्खाङ म्राङ्सि ताङ्बा खामुला ।

अनुशासन नोन लोप्खाङला गहना हिन्ना । ङाला लोप्खाङला लोप्बोनजुगु अनुशासनरि टिमुला । लोप्खेनदा क्वाइला मुला । ह्राङ्बिमा ग्रेनदा क्वाइलाबा ओम ह्राङ्बिमा जाजादा चेकाइ लाबाला मुला । लोप्खाङ क्युरुरु दुलु आब्याङ । लोप्खाङला गोइलो नोन चाङ्मा ताला ।

ङाला लोप्खाङरि ल्होलो ल्होलो कक्षाजुगु मुला । बिगेले; गणितीय कक्ष, भौतिक कक्ष, कम्प्युटर कक्ष, केमेस्ट्री कक्ष, वातावरण कक्षाह्राङ्बा कक्षाजुगु । ङाला लोप्खाङरि ल्होल्होल्होलो शैक्षिक गेताङजुगुइ नोन तामुला । ङाला लोप्खाङरि अविभावक थेन लोप्खेन गेन्दुन नोन मुला । ङाला लोप्खाङरि स्काउट, रेडक्रस, लोप्बोन हित समिति, वातावरण क्लव, बिजा क्लव ह्राङ्बा गेन्दुनजुगु नोन मुला । ङा नोन तिलाइ गेन्दुनजुगुरि बो किन्सि गे लामुला ।

ङाला लोप्खाङरि लोप्बोनजुगुदा चाबा थुङ्बाला ज्याबा डिछ्या नोन मुला । गाडीला नोन डिछ्या मुला । तिनिदा ङाइ चुदेन ब्रिजि, स्ह्यान लिच्छा ।
(चिडियाखाना कोर्निमा छ्योइ ग्याम्से ।)