क्यार्से जासे हा हो लाउ
नागि ङ्योइगो लोहोइ लाउ ।
टालाङ टिलिङ दोङरि
ब्राला सत्तान छ्योङ्सि
मागार हाबा म्राङरि
ख्रुङ्गो आले ब्राङरि ।
गाप्पा गिप्पा ब्राला
ह्यो लासि चाला
फाकफेक क्युइला माकाइ दोङ
हाकहोक बेला माकाइ नोन ।
हाला सत्तान मि ख्योसि
डिक्सि हाला हुल रेसि
माकाइ चाला ख्राप्सि
बोर्गाे आले ताप्सि ।
स्हु लाबा ह्याङसे
दाम्सि चाबा थेन्से
ब्राङला टिन ह्राप्को
मागार हाजि ताप्को ।
(छिगला अर्थः स्हु– दुःख ।)
तपाईको प्रतिक्रिया दिनुहोस