तिनि स्ह्यो (१३ अप्रिल २०२५)रि याखारगि तामाङ सेलो डोजि । चु सेलोसे तामाङला दोङराप थेन दातेला दुइ पाङ्बाला चिम । याखारगि तामसे चोन निना लाजि । थे तिगा बिसाम नेपालला दोङराप पाङ्सिकेन लिच्छविला मिन किन्बाला चिम । चुरि चोन नितोबा ताम तिला मुला बिसाम नेपालला दोङरापब्रिखेनजुगुसे नेपालला दोङराप ब्रिमा गोपाल वंशहेन्से चर्चारि बाला । गोपाल वंश, महिषपाल वंश किरात वंश थेलिच्छा लिच्छविला मिन किन्ना ।

देन्बारि गोपल वंश, महिषपाल वंश थेन किरातदुइ खाजिबाइ साक्ष्य प्रमाण आरेबा मिथकीय दोङराप जेक्खे हिन्ना । उल्लेख्य साक्ष्य प्रमाण लिच्छवि दुइहेन्से जेक्खे स्याप्ला । चु व्हाइसे चुनोन लिच्छविदुइदा जेक्खे उल्लेख लाबा यथार्थ दोङरापला तर्क ङ्हाच्छा बाबा मुला । चुनोन महत्वपूर्ण हिन्ना ।

शंकराचार्य नेपाल खाबा उल्लेख खान्दामान स्याप्ला । नेपालदा हिन्दुकरण लाबारि थेला उल्लेख्य भुमिका मुबा । बिबा मुला शंकराचार्य याम्बु उपत्यकारि खासि हिन्दुकरण अभियान चलप लामा ग्रेन सामाजिक तनाव केबा मुबा । चुनोन सामाजिक तनावला कारण थेला डोङ्बा थेरिन ताजि । (हिन्बाम् चुला खाचिबाइ ऐतिहासिक प्रमाण आरे । ३२ दिङ जेक्खे छे (आयु) याङ्बा शंकराचार्यला डोङ्बा खाजिबा ग्लारि ताजि थेला निश्चित ग्ला अनभिज्ञ मुला ।) तिगादाम्मा तागाइ चु व्हाइरि शंकराचार्य नेपाल खाबा थेन तामाङ धर्मशास्त्र ध्वस्त स्होबा उल्लेख लाबाला चिम । तासाइ तामाङला छ्योइ ख्राङ्सि म्हासतिसाइ नोन युङ्बारि ब्रिसि नोन ह्राङ्ला छ्योइ थेन धर्म सोना लाबा ताम चिम  ।

नेपालरि ल्होलो जात जाति मुला । थे जात जातिजुगुरि तामाङ जाति सत्ताला आज्याबा उत्पीडनरि परतिबा जात हिन्ना ।

चुहोइ नेपाल ह्युल्सारी 
लिच्छवि ग्लेला दुइरिमी 
थे दुईला ङ्हाज्याङ धर्ममी 
बौद्ध धर्म मुबाला टिम 
स्हीगो ग्यागर ह्युल्सेमी 
शंकराचार्य खासी मी ।
बौद्ध धर्मला नाङ्सी छ्योई 
कांग्युर तेंग्युर बुम् ग्रन्थ 
चौरासी हजार बौद्ध ग्रन्थ 
तामाङला दाङ्बोला रीम्ठीम् 
ग्योई ब्यान्जी ङ्हान्बासे 
ख्राङ्सी छ्योई ।
छ्योईमी ख्राङ्जी ङ्हान्बासे 
ह्याङ्ला आखे म्हे–म्हेसे 
युङद्वारी हिगी ब्रिबारो 
थे हिगीमी स्हिगो या 
अझन  मुला ग्ला ग्लारी 
तामाङला हिगी पाड्दिबारी ।
(बीरबहादुर तामाङ मोक्तान, तामाङ रिमठिमला व्हाइ ग्याम)

(ब्रिखेन पेम्पा तामाङ भारतला प्राध्यापक हिन्ना ।)