बागमती प्रदेशरि तामाङ थेन बाइ ग्योइ सरकारी कामकाजी ग्योइ ऐन २०८१ कार्यान्वयनरि खाबा मुला । दार्सेजेक्खे बागमती प्रदेशसभा सचिवालयसे सचिवालयला लागि ङ्हाछा तहला कर्मचारी तामाङ थेन बाइ ग्योइला १/१ म्हे दोःपा (अनुवादक) नियुक्ती लाबारि १५ रेला ग्रा चैत्र २० गतेदोना जारी लाबा मुबा ।
दारे ब्रिबा थेन पाङ्खेन परीक्षा किन्बाकेन मुला । दारे तिगाइ दुइरि बागमती प्रदेश न्हाङरि मुबा १ सय १९ वटा पालिका, सरकारी गेदिमजुगु, लोकसेवा आयोग थेन सरकारी अड्डाजुगुरि काकार तामाङ थेन बाइ ग्योइ दोःपा नियुक्ति ताबाकेन मुला । चु ज्याबा दुइसाङ खालखाल्लसे स्याप्ला च्यागे । अंग्रेजी, कोरियन, जापानीज, चाइनिज ग्योइरि लिउ (आलोप्को बिबा आहिन) म्राङ्बा, ह्राङ्ला ग्योइरि ह्राङ्ला पनरि लिउ आरे बिबाजुगुसे सोचतिसिकेन निस्ह्युगो ।
ङानि आख्लाना चु डिछ्या स्हेङ्बाला लागि अभाव, प्रभाव, दबाब थेन संकछ नासिकेन समुदायला गुङरि चिसि राज्यतेन नीतिगत, बैचारिक लडाइ लडप ताचिबा मुला । लडतिसि चिसेला मुला । याङ्बा उपलब्धीला रक्षा, प्रयोग थेन उपयोग लाबान काप्बा उपलब्धीला लागि ङ्हाच्छा वाङ्चिला ।
गणतन्त्र, संघीय डिछ्यारि याङ्बा चु उपलब्धीला लिब्रो ताबा प्रतिगामी षडयन्त्र खाइमाइ स्वीकार्य आरे । छेसि चिसेला मुला । तिगाइ आतानि बिबा, ह्राङ्से आलाबा, समुदाय थेन ह्राङ्ला परिवेश पोबाला बो थारेङ ह्यार्बा । चु डिछ्या बाबाला लागि लड्तिबा पार्टी, डोङ्बा सहिदजुगु ओसेम चु डिछ्या बाला आदे बिसि काबा पार्टी थेन डोङ्बाजुगु गिक्खेन म्राङ्बा–गोबा समुदायला च्याबा मि पोतोबा मुला । तिनिदा चोत्तेन... !
दोःबा : यकिना अगाध
तपाईको प्रतिक्रिया दिनुहोस