डिछ्या पोबाला छ्याम दुइ नोन थेनोन स्युगरि पोला बिबा म्हान्बा तामला महसुस ताबारि आखाम्बा पक्कान हिन्ना । चुरि ह्याङ मोक्कोनला भुमिका मुला, प्रत्यक्ष थेन अप्रत्यक्ष ओम ल्हाना थेन च्याङ्ना बिबा सन्दर्भ जेक्खे हिन्ना ।
खाजिबा याङ्ताम सुनिश्चित आतानि बिसि तोङ्जाछाला का टुसे ल्हेना लबा डिछ्याला विकल्प म्हाइचिबा मुला, थे याङ्ताम सुनिश्चितताला कर्तव्य निर्वाह लातोबा प्रतिनिधि नोन उपयुक्त दाम्गेले बिबा ङ्यान्तोला । स्वार्थ थेन सत्तारि कोल्जि । खाजिबाइ राजनीतिक दलदा सोना लाबारि ओम खालाइदा पोसब लाबारि ताङ्जि ।
गणतन्त्ररिन लाबा निरंकुशताला लिब्रो राप्गे, कोङ्बा थेन आकोङ्बा पक्ष ङोसेगे । सुशासनला पक्षरि ताम पाङ्गे । भ्रष्टाचारला टा स्योइगे । खाजिबाइ म्हि व्हा पार्टी आबिना संरक्षक ग्याम्सेन ह्युल्बाफिरि ताबा नाङ्बा प्लेबा लिब्रो ङ्हाछा वाङ्गे । मोक्कोनसे ह्राङ्ला जिम्मेवारी कर्तव्यनिष्ठ तासि निर्वाह लाइ । थेलिच्छा नोन सेमसे म्हान्बाह्राङ ह्युल विकास थेन ह्युल्बाला हित आतासाम सोचतिइ ।
तासाइ नोन गणतन्त्रला विकल्प गणतन्त्र जेक्खे हिन्ना ।
(छिगला अर्थः डिछ्या– व्यवस्था, स्युग– वेग, याङ्ताम– अधिकार, कोङ्बा– सबल, आकोङ्बा– दुर्बल, ।)
दोःबा : यकिना अगाध
तपाईको प्रतिक्रिया दिनुहोस