ह्युल्बासे ह्युल्बाला लागि ह्युल्बाग्याम्से लाबा शासन प्रणालीन प्रजातन्त्र, लोकतन्त्र, गणतन्त्र हिन्ना ।
२००७ दिङ लोकतन्त्र, गणतन्त्रला लागि चेतनाला दानः (जग) व्हा ह्युल्बाला लागि ङ्हाच्छा वाङ्बा राडम्याप बिसि गोसाइ नोन ताला तिल्दाबिसाम २००७ दिङरि क्योङ्लिरि (पूर्णरुपमा) प्रजातन्त्र याङ्बा आम्राङ्मुला तासाइ दातेला उपलब्धिजुगुला दानः बिसाम २००७ दिङ नोन हिन्ना ।
क्योङ्लिरि प्रजातन्त्र आयाङ्बालान कारण २०४६ दिङ दोहोर्याप तानिजि । २०४६ दिङरि नोन क्योङ्लिरि प्रजातन्त्र आयाङ्मा च्युइ दिङला जनयुद्धला तागतरि जुसि ह्युलरि ०६२÷६३ ला ह्युल्बाला लाबा–लुङ्सुरसे दाते सोम नोन ङ्योइबाला कासाल पिन्बा मुला ।
थेतासि तिनि बेने (फागुन) ७ गतेदा प्रजातन्त्र दिवसला लिरि डान्तोला । थेदुइरि दातेला ह्राङ्लासि ब्रिबा, पाङ्बा थेन माजिङ्बा (होहल्ला) लाआम्याङ्मुबा । ह्याङ्ला पुर्खाग्याम, आपा म्हेमेजुगुग्याम नोन ह्याङ्से थेबा मुला । गिक्खेन म्हिदा थेदुइला पञ्चायती सरकारसे ग्लेला लिब्रो लाबा दर्जनौं मुद्दाजुगु ल्हागाब लाबा उदाहरणजुगु मुला । दाते थेह्राङ्बा आरे । दाते दिङ ङ्हा ङ्हाला खेबारि (अन्तरमा) निर्वाचन ताला ।
दुल्बारि, ल्हेसिपाङ्बारि थेन नाङ्बाप्लेबा लाबारि म्हाइबाजुगु, हेबप लाबारि म्हाइबाजुगु ह्युल्बा ग्याम दण्डित ताबा डिछ्या मुला । संविधान नोन मुला । थेतासि कार्यान्वयन तागाइ ।
ह्युल स्होबारि नेतादा जेक्खे केसि आता । मुतेबा ह्युल्बारि चेतनाला स्तर ल्हेबारि जरुरी मुला ।
प्रजातन्त्र दिवशला ज्याबाम्हान्बा ।
दोःबा : यकिना अगाध
तपाईको प्रतिक्रिया दिनुहोस