३ बेने (फागुन) २०८१ , कामरे ।

च्याङ्नान तासाइ चुला अर्थ मुला ओसेम महत्व ग्रेन मुला । तोङ्जा गि न्होर जेक्खे नगद पुरस्काररि सूर्यगढी–१ लच्याङ भिएस तादी–५ गुङरि ताबा (दभकत या ५) मैत्रीपूर्ण ह्रेमकोला भलिबल क्लाङरि सूर्यगढी–१ लच्याङसे सोझो सेटला डाबा तेबारि सफल ताबा मुला ।

ङ्हि नोन टिमला क्लाङ्म्हि आलेजुगुदा सेमहेन्से बधाई । ((रास्ट्रीय खेल ) भलिबल फिला लगाव झान ल्हेबा मुला । तिल्मा भलिबलला सामान्य ठिम सुतइ थाहा आरेमुबा । दाते आलेजुगुला लगनशीलता ओम भलिबल क्लङफिला चेगाइ ल्हेबा म्राङ्मा ताङ्बा छोर्बा मुला । डोबा लिच्छाला फुर्सद दुइ क्लाङ्फिरि समर्पित लाचिबा आलेजुगु, चोदे भलिबल क्लाङ्बा वातावरण आताबा हिन्साम तिगाइ आलेजुगु आज्याबा गेरि सुताइ फसतिबारि खाम्सेला मुसिम ।

पब्जी फ्री फायर अनलाइन गेमिङला छ्याम लागू पदार्थ दुब्र्यशनी ह्राङ्बा लोङ्खेप्पा कुलतरि फसतिबा खतरा तासेला । टपअपरि तोङ्जा खर्च लासि अनलाईन गेमिङ क्लाङ्बा आलेजुगु थे गेमिङ ख्लासि दाते लेङ्बा फुर्सद दुइ क्लाङ्चेरि खासि भलिबल क्लाङ्चिबा मुला । चु सकारात्मक पाटो हिन्ना ।

भलिबलसे थेह्राङ्बा जेबा लिउ स्होबारि खाम्ला आखाम्ला तासाइ व्यक्तिला सर्वाङ्गीन विकासला लागि चुसे क्लाङ्बा भुमिका पक्कान महत्वपुर्ण मुला । चुसे सामुहिक एकताला भावनादा नुप्न (प्रगाढ) जेक्खे स्होबा आरे । शारीरिक, मानसिक स्वास्थ्य चिबाला छ्याम अनुशासनला परिधि न्हाङरि चिबारि लोप्बा मुला ।

चु क्लाङ चेरि ङान्छे राष्ट्रपति रनिङ शिल्ड, न्हाङ वडा स्तरीय सहिद स्मृति कप ह्रेमकोला भलिबल प्रतियोगिता थेन गिक्छा लच्याङ कप खुल्ला ह्रेमकोला भलिबल प्रतियोगिता सुताइ जिन्ना लाजिन्बा मुला ।

ङान्छे सेम लासि नोन चु क्लाङ्चेदा क्लाङ्चे स्होबारि खाम्चिबा आरे । क्लाङ्चेला पुर्बाधार विकास आतासाइ नोन ह्रिरि दोबा बलदा म्हाइसि म्हाइसि क्लाङ्बा आलेजुगुसे बिमुला– ‘ज्योज्यो ! ङान्ना क्लाङ्चेरि खाइमा बजेट परतिला ?’ कासाल थेनोन आश्वसनला ताला– ‘चिन्ता थालाउ आलेजुगु हिन्ना ! तिरेकुनु हिन्बान चु क्लाङ्चे स्होसेला मुला ।’

वडाला गौरवला आयोजनाला लिरि मुबा चु क्लाङ्चे स्हेङ्बारि चुपाल्छे बिसाम याखारगि इट्टा काप्बा गे तासेला मुला । थेला लागि काइब्लोन (प्रधानमन्त्री) स्वरोजगार गेताङ थेन तिलाइ साझेदारी बजेटग्याम चुपाल्छे गे योनान तिबाकेन मुला । चुला लागि वडा समितिसे निर्णय सुताइ लासि क्राछिग (शीर्षक)रि बजेट तोकतिसि योजना शाखारि पेश लाजिन्बा ग्रा पिन्ना । चार ग्लालान जेबा ओम रमणीय दृष्य म्राङ्बा ह्याङ्ला लच्याङ क्लाङचे ।

(छिगला अर्थः क्लाङ्– खेल, क्लाङ्म्हि– खेलाडी, क्लाङ्चे– खेल मैदान, ।)

दोःबा : यकिना अगाध