क्याच्चा ब्लेला पान्दान दोङ
दोङलामा टारि फेक्थासि
टाकटुक छाप्सि हलो स्होउ
ह्वारिरि आरे तिगाइ स्हे
आमोइना गे ताङ आरेबासे
हलोरि कार्गो फाइला फाली
फालीदा हाप्खोइला करुवासे
पाटिमा ठोक्को हरिसरि
ठेडिमा ठोक्को थेरि गोरब्लि
मे ख्लाप मोइसि खेतीलाइ
चिलामा आदा होस्सोनोन
वदिमा होबला चाँपला दोङ
दोङलामा हाँगा फेक्थासि
प्लातप्लुत छाप्सि जुवा सोउ
होस्सोन चिलाम आदा होउ
जुवारी नार्दिसि मे ख्लापदा
मे ख्लाप तेम तेम आथुइगाइ
सोईलामा कर्गो जुवारि
सोइलारि कर्गो जोतारो
तिगाइला लाआदो हतारो
अनौ छाप्गो साँगुला
हलोरि कार्सि अनौ गि
अनौरि चुङ्बादा नमे सोउ
गेलाउ ज्योज्योआले गेलाउ हाउ
फ्योरफ्योर कोर्सि लाना थास्याउ
स्यान्दोला ह्युलला आस थालाउ
जुवामा थुइगो नारासे
म्राङगाइ दुनिया सारासे
दिमलामा मिदा आदर लाउ
आबा आमातेन हाप्खोइगो
जाजादा कुरि टेपफोइगो
काडि चुगो थाछेक्को
पशुदा छेक्पा आताबा
हालाइलदा ओन्बादा आन्बागा
चु हिन्ना ङान्नान तरिका
बुरि थेन ह्वारिरि
दिहु पाहाउ फोरेरि
मेमे मामला निसानी
ङानिम हिन्ना कीसानी ।
२०८०/०९/२२